David Moyes: Vill fá alvöru endasprett hjá Everton

Everton mætir Wigan í fyrri leik dagsins í ensku úrvalsdeildinni. Stjórinn David Moyes segir liðið hafa að miklu að keppa á lokasprettinum í deildinni.

Everton er í sjötta sætinu með 48 stig en er orðið tíu stigum á eftir Arsenal sem vann góðan sigur á Manchester City í gær. Leikurinn gegn Wigan verður allt annað en léttur enda er Wigan í 8. sæti og búið að vinna tvo síðustu leiki sína.

David Moyes er ekki búinn að gefa upp vonina um að ná fjórða sætinu og komast í Meistaradeildina. „Arsenal er sjö stigum á undan okkur og það er mikið forskot en þeir eiga eftir að mæta Manchester United, Liverpool og Chelsea," sagði Moyes fyrir leiki helgarinnar.

„Ég vil fá alvöru endasprett. Það þýðir að við komust í bikarúrslitaleikinn, höldum okkur inn í baráttunni í deildinni og komust inn í Evrópukeppnina næsta vetur sem er mjög mikilvægt fyrir félagið," sagði Moyes.