Þrír yngstu markaskorararnir leika með United

Ítalinn Federico Macheda var hetja Manchester United í dag þegar hann tryggði liði sínu 3-2 sigur á Aston Villa á Old Trafford.

Macheda er aðeins 17 ára og 226 daga gamall og er þar með yngsti leikmaðurinn í úrvalsdeildinni til að skora mark í vetur.

Það vekur athygli að þrír yngstu markaskorarar deildarinnar í vetur leika allir með Englandsmeisturunum.

Danny Welbeck var þannig 17 ára og 355 daga gamall þegar hann skoraði í 5-0 sigri liðsins á Stoke City í nóvember og bakvörðurinn Rafael var 18 ára og 122 daga gamall þegar hann skoraði fyrir liðið í 2-1 sigri þess á Arsenal í nóvember.

Dan Gosling hjá Everton hjá Everton og Daniel Sturridge voru 18 ára gamlir þegar þeir skoruðu fyrir lið sín fyrir áramótin og þrír 19 ára gamlir piltar hafa einnig komist á blað í vetur.

Það eru þeir Junior Stanislas hjá West Ham, sem reyndar skoraði fyrir liðið í gær, Theo Walcott fyrir Arsenal, Ched Evans fyrir Manchester City og David N´Gog fyrir Liverpool.