Ófrísk að átjánda barni

Michelle Duggar fær líklega blómvönd eða tvo á mæðradaginn á morgun. Michelle, sem er fjörtíu og eins árs, er nú ófrísk að átjánda barni sínu og eiginmannsins, Jims Bob Duggar.

Börnin sautján eru á aldrinum níu mánaða til tuttugu ára, og heita öll nöfnum sem byrja á J. Hjónin búa ásamt börnunum í 650 fermetra húsi í Tontitown í Arkansasfylki, og kenna þeim heima. Enda kannski einfaldast, þar sem þau þurfa rútu til að ferja hópinn.

Hjónin segjast ætla að halda áfram að eignast börn svo lengi sem guð vill.