Ferguson fer með sitt sterkasta lið til Japan

Sir Alex Ferguson mun ekki skilja neinar af stórstjörnum sínum eftir heima á Englandi þegar Manchester United fer til Japan í næstu viku til að taka þátt í HM félagsliða.

Getgátur höfðu verið uppi um að leikmenn eins og t.d. Cristiano Ronaldo yrðu mögulega hvíldir heima til að safna orku fyrir törnina sem er í ensku úrvalsdeildinni um jólin.

United kemur beint inn í undanúrslit keppninnar og flýgur til Japan á sunnudaginn. Þar verða Ronaldo, Wayne Rooney, Dimitar Berbatov og allar stjörnurnar með í för.