Obama á sigurgöngu

Barack Obama fór með sigur af hólmi í forkosningum demókrata í maine ríki í Bandaríkjunum í nótt. Helgin var góð fyrir Obamama en á laugardag sigraði hann í Louisiana, Nebraska og Washington ríki.

Úrslit helgarinnar gera það að verkum að þau Obama og Hillary Clinton eru nær hnífjöfn í baráttunni og enn er alls óvíst hvort þeirra verður útnefnt forsetaframbjóðandi demókrataflokksins. Í kjölfar úrslitanna lét kosningastjóri Hillary Clinton af störfum.

Næsta umferð er á þriðjudag en þá verður bitist um kjörmenn í Maryland, Virginíu og höfuðborginni Washington.