Þýskaland mætir Brasilíu í undanúrslitum kvenna

Ljóst er hvaða lið mætast í undanúrslitum í fótboltakeppni kvenna í Peking. Heimsmeistarar Þýskalands unnu Svíþjóð 2-0 í átta liða úrslitum en bæði mörkin í leiknum komu í framlengingu.

Varnarmaðurinn Kerstin Garefrekes skoraði með skalla á 104. mínútu og Simone Laudehr bætti við marki á 126. mínútu. Þýskaland mætir Brasilíu í undanúrslitum en Brasilía vann Noreg 2-1, Daniela og Marta með mörkin.

Í hinum undanúrslitaleiknum munu Bandaríkin leika gegn Japan. Bandarísku stelpurnar unnu Kanada 2-1 í framlengdum leik í átta liða úrsltum á meðan Japan vann Kína 2-0.