Amy Winehouse útskrifuð af spítalanum

Þá hefur Amy Winehouse, 24 ára, verið útskrifuð af spítalanum. Talsmaður söngkonunnar segir hana vera undir ströngu eftirliti lækna og sækja spítalann reglulega í nákvæma skoðun.

Enginn kærir sig um að neyða hana til að vera lokaða inni á spítala. Hún ræður algjörlega ferðinni, segir talsmaður Amy Winehouse sem þjáðist af forstigseinkennum sem hefðu auðveldlega þróast yfir í lungnaþembu ef ekkert yrði að gert.

Söngkonan, sem hefur dvalið í 10 daga á sjúkrahúsi frá því hún hné niður á heimili sínu, þarf núna að taka til í sínum málum ef hún ætlar sér að ná bata í baráttunni.