KR vann nauman sigur í Keflavík

Fyrsta umferð Landsbankadeildar kvenna kláraðist í kvöld með fjórum leikjum. KR vann nauman 2-1 sigur á Keflavík á útivelli, en KR var spáð Íslandsmeistaratitlinum í sumar.

Hrefna Huld Jóhannesdóttir og Katrín Ómarsdóttir skoruðu mörk KR í leiknum, en Katrín skoraði sigurmarkið fimm mínútum fyrir leikslok. Vesna Smiljkovic skoraði mark suðurnesjaliðsins.

Breiðablik lagði nýliða Aftureldingar á útivelli 3-1 eftir að staðan hafði verið 1-1 í hálfleik.

Fylkir lagði Fjölni 2-0 á útivelli og HK/Víkingur og Stjarnan skildu jöfn 1-1.