Barry ítrekar að hann vill fara til Liverpool

Miðjumaðurinn Gareth Barry vill ólmur ganga til liðs við Liverpool. Aston Villa vill halda honum en hann er efstur á óskalista Liverpool.

„Ég er búinn að gera upp hug minn, ég vil fara til Liverpool. Menn hjá Aston Villa segjast vilja halda mér en ég hef ekki heyrt í knattspyrnustjóranum í nokkrar vikur," sagði Barry.

„Stjórinn hefur tekið frá tíma til að verða aðstoðarlýsandi fyrir BBC á EM en ekki til að tala við mig. Aston Villa hefur ekkert gert til að sannfæra mig um að framtíð mín sé á Villa Park."