Keegan vill að Owen fái nýjan samning

Kevin Keegan hefur biðlað til eigenda félagsins að þeir geri nýjan samning við sóknarmanninn Michael Owen til að eiga ekki á hættu að missa leikmanninn.

Samningur Owen rennur út eftir næsta tímabil og beðið er með viðræður um nýjan þar til Newcastle hefur tryggt sér veru í úrvalsdeildinni á næsta tímabili.

Owen skoraði annað mark Newcastle í 2-0 sigri á Fulham um helgina. „Það á að hefja viðræður við hann um nýjan samning samstundis, ekki í næstu viku," segir Keegan.

„Michael mun ekki hætta að skora, hann mun ekki hætta að vegja athygli og mun halda áfram að vera á óskalista annarra liða. Í dag er hann þó leikmaður okkar. Honum líður vel hjá félaginu og við munum ekki fá leikmann sem er betri en hann."