Lampard vill Terry með bandið

Frank Lampard, leikmaður Chelsea, vill að John Terry liðsfélagi sinn verði fyrirliði enska landsliðsins til frambúðar. Landsliðsþjálfarinn Fabio Capello á enn eftir að tilkynna hver verði fyrirliði undir sinni stjórn.

„Stjórinn velur þann sem hann telur bestan í hlutverkið. Það eina sem ég get sagt er að John Terry er sannur leiðtogi innan og utan vallarins. Utan vallarins fær hann menn saman og er sterk persóna í búningsklefanum," segir Lampard.

„Ég get allavega gefið honum mín bestu meðmæli. Auðvitað eru aðrir leikmenn sem koma til greina en John er hæfastur," segir Lampard.