Fyrsta Karen Millen verslunin opnar í New York

Mikið var um dýrðir í opnunarpartýi fyrstu Karen Millen verslunar í New York á þriðjudaginn. Rjómi elítu borgarinnar mætti í veisluna og fylgdist með sýningu á tískusýningu á vor og sumarlínunni frá hönnuðinum vinsæla.

Millen sjálf var viðstödd opnunina og ræddi við fulltrúa tískublöðanna. Opnun búðarinnar í New York er liður í útbreiðslu vörumerkisins, sem er að hluta til í eigu Baugs, vestanhafs, en unnið er að því að fjölga verslunum þar til muna. Þær eru fyrir í borgum eins og Boston, San Francisco, Dallas og Los Angeles.