Chelsea ekki nægilega skemmtilegt

Peter Kenyon segir að leikstíll Chelsea sé ekki nægilega áhorfendavænn. Kenyon hrósar Avram Grant fyrir að hafa náð að koma Chelsea í undanúrslit Meistaradeildarinnar en segir að enn sé mikið verk óunnið.

„Við getum enn bætt liðið," segir Kenyon. Þegar Jose Mourinho hvarf á braut og Grant tók við þá lofaði sá ísraelski að hann ætlaði að gera spilamennsku Chelsea skemmtilegri fyrir áhorfendur.

Eftir sigurinn á Fenerbache viðurkenndi hann hinsvegar að úrslitin skiptu meira máli en fegurð fótboltans. Grant hefur gengið erfiðlega að vinna sig í náðina hjá stuðningsmönnum Chelsea.