Nám í flugvirkjun hefst á Íslandi

Keilir og Icelandair Technical Services undirrituðu 30. október samstarfsmaning sem felur í sér að fyrirtækin munu í sameiningu hefja kennslu í flugvirkjun í september á næsta ári.

,,Hér er sannarlega um merk tímamót í íslenskri flugsögu að ræða því síðustu áratugi hafa nemendur þurft að sækja nám í flugvirkjun til útlanda," segir í tilkynningu.

Kennt verður eftir almennum og viðurkenndum alþjóðlegum reglum og munu nemendur að námi loknu öðlast full réttindi flugvirkja. Atvinnumöguleikar eru töluverðir víða um heim því nám þetta er alþjóðlegt.