Mun Essien fylgja Mourinho til Inter?

Talið er að Michael Essien sé efstur á óskalista Jose Mourinho sem ráðinn hefur verið nýr þjálfari Inter. Mourinho mun fá mikinn pening til leikmannakaupa og talið er að hann geti fengið Essien fyrir um 25 milljónir punda.

Ekki er ólíklegt að Mourinho muni reyna við fleiri fyrrum lærisveina sína hjá Chelsea og eru þar nöfn Didier Drogba og Frank Lampard mikið í umræðunni.

Mourinho er þekktur fyrir að mynda sterk sambönd milli síns og leikmanna sinna og er talið að þessir þrír leikmenn vilji allir leika aftur undir stjórn Mourinho sem fyrst.