Alexandersson missir af leik Svía og Spánverja

Sænski landsliðsmaðurinn Niclas Alexandersson mun að öllum líkindum missa af leik sinna manna gegn Spáni á laugardaginn.

Alexandersson er 36 ára gamall og á að baki 109 landsleiki með Svíþjóð. Hann er einnig tæpur fyrir leik Svía og Rússa þann átjánda júní.

Fredrik Stoor mun væntanlega taka stöðu hans í byrjunarliðinu en hann á aðeins sex landsleiki að baki.

Christian Wilhelmsson er þegar úr leik á EM í fótbolta eftir að hann meiddist í leik Svía og Grikkja í fyrradag.