Man City að missa Dunne

Allar líkur eru á því að Richard Dunne sé á leið frá Manchester City eftir að hann hafnaði nýju samningstilboði frá félaginu.

Samkvæmt heimildum fréttastofu BBC vill City frekar selja hann núna en að láta samning hans ganga út í lok næsta tímabils. Tottenham er talinn líklegasti áfangastaður Dunne og talið að hann fari þangað fyrir fimm milljónir punda.

Newcastle og West Ham hafa einnig áhuga á Dunne sem kom til City frá Everton í október árið 2000. Hann hefur verið valinn leikmaður ársins af stuðningsmönnum City undanfarin fjögur tímabil.