Ólafur tilkynnir hóp sinn fyrir Möltuleikinn

Einn nýliði er í landsliðshópi Ólafs Jóhannessonar landsliðsþjáflara fyrir æfingaleikinn gegn Möltu ytra þann 19. þessa mánaðar. Garðar Jóhannsson frá Fredrikstad í Noregi kemur inn í hópinn í fyrsta sinn.

Ólafur hefur ákveðið að gefa nokkrum lykilmönnum liðsins frí í þessum leik og þar á meðal eru Eiður Smári Guðjohnsen, Brynjar Björn Gunnarsson, Kristján Örn Sigurðsson og Stefán Gíslason.

Ragnar Sigurðsson og Theodór Elmar Bjarnason eru heldur ekki í hópnum, en þar eru menn eins og Keflvíkingurinn Hallgrímur Jónasson sem nýverið gekk í raðir GAIS í Svíþjóð og Sölvi Geir Ottesen hjá SonderyskE.

Þetta verður fjórtándi landsleikur Íslands og Möltu en íslenska liðið hefur níu sinnum farið með sigur af hólmi í viðureignum liðanna. Síðast þegar þau mættust fóru Maltverjar með sigur af hólmi þegar þeir sigruðu 1-0 í æfingaleik liðanna ytra fyrr á þessu ári.

Landsliðshópurinn:

Markmenn:

Arni Gautur Arason (Odd Grenland)

Gunnleifur Gunnleifsson (HK)

Varnarmenn:

Hermann Hreiðarsson (Portsmouth)

Indriði Sigurðsson (Lyn)

Grétar Rafn Steinsson (Bolton)

Bjarni Ólafur Eiríksson (Valur)

Sölvi Geir Ottesen Jónsson (Sönderysk E)

Hallgrímur Jónasson (GAIS)

Miðjumenn:

Emil Hallfreðsson (Reggina)

Birkir Már Sævarsson (Brann)

Aron Einar Gunnarsson (Coventry)

Pálmi Rafn Pálmason (Stabæk)

Helgi Valur Daníelsson (Elfsborg)

Arnór Smárason (Heerenveen)

Guðmundur Steinarsson (Keflavík)

Sóknarmenn:

Heiðar Helguson (Bolton)

Veigar Páll Gunnarsson (Stabæk)

Garðar Jóhannsson (Fredrikstad)