Robinho segir United og Chelsea á eftir sér

Brasilíski landsliðsmaðurinn Robinho segist vera á óskalista ensku stórliðana Manchester United og Chelsea. Leikmaðurinn hefur verið þrjú ár hjá Real Madrid á Spáni en ekki unnið sér fast sæti í byrjunarliðinu.

Robinho er sem stendur í landsliðsverkefnum en hann segist vera mjög stoltur af áhuga United og Chelsea. „Mér líður samt vel á Spáni og hef ekkert á móti því að vera hér áfram,"sagði Robinho í viðtali.

Þessi ummæli hans þykja þó benda til þess að hann vilji losna frá Real Madrid enda ekki algengt að leikmenn séu sjálfir að orða sig við önnur lið.