Jóhannes Karl og félagar mæta Arsenal

Í dag var dregið í fjórðungsúrslitin enska deildarbikarnum í knattspyrnu. Jóhannes Karl Guðjónsson og félagar hans í Burnley fá annan stórleikinn í röð, því eftir að hafa slegið Chelsea eftirminnilega út í síðustu umferð fá þeir nú Arsenal í heimsókn.

Tottenham, sem á titil að verja í keppninni, sækir Watford heim og Manchester United tekur á móti Blackburn í eina úrvalsdeildarslagnum í umferðinni. Þá tekur Stoke City á móti Derby County.

Leikirnir fara fram fyrstu dagana í desember.

Stoke City-Derby County

Manchester United-Blackburn Rovers

Burnley-Arsenal

Watford-Tottenham Hotspur