Skoski landsliðshópurinn sem mætir Íslandi

George Burley hefur valið skoska landsliðshópinn sem mætir Makedóníu og Íslandi í upphafi næsta mánaðar.

Ísland mætir fyrst Norðmönnum ytra þann 6. september næstkomandi í undankeppni HM 2010 og tekur svo á móti Skotum á Laugardalsvelli fjórum dögum síðar.

Skotland mætir Makedóníu einnig á útivelli og hefur því leik í undankeppninni á tveimur útileikjum.

Shaun Maloney, leikmaður Celtic, var valinn í hópinn en hann hlaut ekki náð fyrir augum Burley er hann valdi hópinn sem mætti Norður-Írum í síðustu viku. Garry O'Connor, leikmaður Birmingham, var einnig valinn í hópinn í fyrsta sinn síðan í október í fyrra.

Hópurinn er þannig skipaður:

Markverðir: Craig Gordon (Sunderland), David Marshall (Norwich City), Allan McGregor (Rangers).

Varnarmenn, Graham Alexander (Burnley), Darren Barr (Falkirk), Christophe Berra (Hearts), Gary Caldwell (Celtic), Callum Davidson (Preston North End), Stephen McManus (Celtic), Kevin McNaughton (Cardiff City), Gary Naysmith (Sheffield United), David Weir (Rangers).

Miðvallarleikmenn: Scott Brown (Celtic), Kris Commons (Derby County), Darren Fletcher (Manchester United), Paul Hartley (Celtic), Shaun Maloney (Celtic), James Morrison (West Bromwich Albion), Barry Robson (Celtic), Kevin Thomson (Rangers).

Framherjar: Kris Boyd (Rangers), David Clarkson (Motherwell), James McFadden (Birmingham City), Kenny Miller (Rangers), Garry O'Connor (Birmingham City).