Okocha farinn frá Hull

Jay-Jay Okocha er á förum frá Hull City sem vann sér á dögunum inn sæti í ensku úrvalsdeildinni. Þessi 34 ára Nígeríumaður hefur fengið þau skilaboð frá knattspyrnustjóranum Phil Brown að hann sé ekki í plönum hans.

Okocha kom til Hull í september í fyrra en átti við meiðsli að stríða síðasta tímabil og lék aðeins ellefu leiki í byrjunarliðinu. Okocha er frægastur fyrir veru sína hjá Bolton þar sem hann var í uppáhaldi stuðningsmanna.

Taldar eru líkur á að Okocha ákveði að leggja skóna á hilluna núna.