Evrópunefnd Sjálfstæðisflokksins er merki um ótrúlega taugaveiklun

Steingrímur J. Sigfússon, formaður Vinstri grænna, telur að það sé mál Sjálfstæðisflokksins hvernig hann vinni að sinni stefnumótun og hvenær hann haldi landsfundi sína.

Á fundi með blaðamönnum í Valhöll í dag tilkynntu Geir H. Haarde og Þorgerður Katrín Gunnarsdóttir að miðstjórn flokksins hefur ákveðið að flýta landsfundi Sjálfstæðisflokksins og verður hann í lok janúar. Þá var tilkynnt að skipuð hefur verið nefnd um Evrópumál sem mun skila af sér skýrslu sem tekin verður fyrir á landsfundinum.

,,Það til marks um ótrúlega taugaveiklun og upplausn ef Sjálfstæðisflokkurinn ætlar að fara velta sér um hrygg um stórmál af þessu tagi bara til að framlengja lífið í ónýtri ríkisstjórn og forða sér undan dómi kjósenda," sagði Steingrímur í samtali við Vísi.