Ferguson sendir Real Madrid skýr skilaboð

Alex Ferguson segir að eigendur Manchester United muni frekar senda Cristiano Ronaldo upp í áhorfendastúku en að selja hann til Real Madrid.

Ronaldo hefur ítrekað verið orðaður við Real Madrid en sjálfur hefur hann ekki tekið af allan vafa um framtíð sína.

En Ferguson segir að framkoma forráðamanna Real Madrid hafa verið til skammar og hótaði hann að United myndi kæra félagið til Alþjóða knattspyrnusambandsins.

Ferguson hitti eigendur United, Glazer-fjölskylduna, að máli og lofaði hana mikið fyrir afstöðu sína.

„Þeir myndu frekar láta leikmanninn sitja upp í stúku en að selja hann - bara til að leggja áherslu á afstöðu sína - sem er „fari þeir til fjandans"," sagði Ferguson.

„Trúið mér, þeir hafa reynst þessu félagi vel. Þeir hafa verið frábærir eigendur."