Phillips leikmaður ársins

Kevin Phillips, leikmaður West Brom, var í gærkvöldi útnefndur leikmaður ársins í ensku B-deildinni en þá fór fram verðlaunahátíð neðri deildanna í Englandi.

Phillips er markahæsti leikmaður deildarinnar á tímabilinu en hann hefur þegar skorað sextán mörk í deildinni.

Jermaine Beckford, Leeds, var valinn besti leikmaður C-deildarinnar auk þess sem hann hlaut sérstaka viðurkenningu fyrir mark ársins.

Besti leikmaður D-deildarinnar var valinn Keith Andrew, leikmaður MK Dons.

Michael Kightly, Wolves, var valinn besti ungi leikmaðurinn.