Innlent

Gefa lítið fyrir skýringu lögreglu á Bónusfánaflaggara

Frá lögreglustöðinni við Hverfisgötu í gær.
Frá lögreglustöðinni við Hverfisgötu í gær.

Afstaða, félag fanga, segir skýringar lögreglu á handtöku Hauks Hilmarssonar á föstudaginn, sem flaggaði bónusfána á Alþingishúsinu fyrir tveimur vikum, ótrúlegar.

Handtaka Hauks vakti mikla reiði en henni var mótmælt fyrir utan lögreglustöðina á Hverfisgötu síðdegis í gær. Hópur mótmælenda braust sér leið inn í lögreglustöðina en lögreglumenn svöruðu með því að sprauta piparúða á hópinn.

Lögregla gaf þær skýringar á handtöku Hauks að hann hafi verið eftirlýstur vegna vangoldinnar sektar sem hann fékk fyrir að mótmæla vð álverið á Reyðarfirði árið 2006.

Félag fanga sá ástæðu til að senda frá sér sérstaka yfirlýsingu um málið í gærkvöldi þar sem fram kemur að félagið sjái ekki nokkurt sannleikskorn í þessari útskýringu.

Samkvæmt félaginu eru fangelsi landsins svo yfirfull að engar líkur séu á að sektarfangar séu boðaðir til afplánunar með þessum hætti. Þá bendir félagið á að nú bíða fjölmargir einstaklingar með mun alvarlegri brot á bakinu afplánunnar.

Afstaða til ábyrgðar var stofnað af föngum á Litla - Hrauni 23. janúar 2005.







Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.