United hótar að kæra Real Madrid

Forráðamenn Manchester United hafa nú hótað að kæra kollega sína hjá Real Madrid á Spáni vegna sífelldra yfirlýsinga spænskra tengdum vængmanninum Cristiano Ronaldo.

Í yfirlýsingu á heimasíðu Manchester United í dag má finna eftirfarandi tilkynningu.

"Manchester United er farið að vaxa í augum sífelldar yfirlýsingar Real Madrid um áhuga félagsins um að kaupa Cristiano Ronaldo. Leikmaðurinn er samningsbundinn United og er ekki til sölu. Ef þessi óviðeigandi vinnubrögð halda áfram hefur Manchester United engra annara kosta völ en að kæra Real Madrid til Alþjóða Knattspyrnusambandsins," segir meðal annars í yfirlýsingunni og því er við hana bætt að þessar yfirlýsingar spænska félagsins séu einnig slæmar fyrir portúgalska landsliðið í undirbúningi sínum fyrir EM.