Dos Santos orðaður við Tottenham

Mexíkóska undrabarnið Giovani dos Santos gæti verið á leið til Tottenham á Englandi. Sky fréttastofan greinir frá þessu í kvöld.

Dos Santos er af brasilískum ættum og sló í gegn á HM undir 17 ára árið 2005. Honum var ætlað að verða næsti Ronaldinho hjá Barcelona, en hefur ekki náð að standa undir þeim væntingum þrátt fyrir að hafa skorað þrennu í lokaleik Barcelona á tímabilinu.

Sky segir nú að Tottenham sé komið í fremstu röð félaga sem hafa áhuga á að kaupa hinn 19 ára gamla leikmann og talið er að Lundúnafélagið sé tilbúið að greiða fyrir hann um 11 milljónir punda.