Löngu úrskurðaður látinn en birtist óvænt

Maður frá Chile sem hvarf í hinu blóðuga valdaráni þar árið 1973 og var úrskurðaður látinn árið 1995 birtist í sínum gamla heimabæ í síðustu viku - sprelllifandi.

Í ljós kom að maðurinn hafði haldið sig í Argentínu við vinnu allar götur síðan hann hvarf og er nú hafin rannsókn á því hvort hann hafi með þessu tiltæki sínu gerst brotlegur við lög. Fjölskyldur þeirra sem hurfu sporlaust á valdatíma Augusto Pinochet tóku nefnilega við bótagreiðslum úr ríkissjóði Chile löngu síðar og nú spyrja yfirvöld sig hvort ekki hafi verið ólöglegt að hverfa með þeim hætti sem maðurinn gerði.