Scolari reiður vegna umfjöllunar um Drogba

Luiz Felipe Scolari, knattspyrnustjóri Chelsea, er reiður vegna umfjöllunar fjölmiðla um meintan fund hans með forráðamönnum ítalska úrvalsdeildarfélagsins Inter.

Drogba er sagður hafa hitt þá Marco Branca, yfirmann íþróttamála hjá Inter, og Jorge Mendes sem er umboðsmaður Jose Mourinho, knattspyrnustjóra Inter og fyrrum stjóra Chelsea.

„Ég sef ekki með Drogba og veit ekki hvar hann hefur haldið sig," sagði Scolari. „Ég er ekki með lögreglufylgd á okkar leikmönnum."

Mourinho sagðist einnig ekkert vita af þessu máli. „Ég veit ekki hvar Branca var og veit ekkert um það sem hefur verið fullyrt. Ég veit hins vegar að Drogba er hluti af sögu Chelsea og mér virðist að hann sé og verði áfram leikmaður Chelsea."