Þrettán handteknir í Lundúnum

Þrettán manns voru handteknir í vesturhluta Lundúna í gærkvöld eftir að til óláta kom eftir úrslitaleik Meistaradeildarinnar. Stuðningsmenn Chelsea héltu þá út á götur og virðast einhverjir þeirra hafa tekið tapinu illa.

Talsmaður lögreglu segir að um 400 manns hafi verið úti á götum við Fulham Broadway og að um 200 þeirra hafi verið með óspektir. Nokkrir hafi varnað strætisvagni leið í gegn um mannþröngina og kastað flöskum í átt að lögreglu.

Tólf manns voru handteknir fyrir óspektir og einn fyrir ölvunarakstur, en hann ók niður mann á leið sinni upp Fulham Broadway.

Öllu rólegra var í Moskvu eftir sjálfan úrslitaleikinn, enda voru þar um 5,000 lögreglumenn á verði.

Nokkrir af bresku ferðalöngunum sögðu þó að skipulagið í samgöngumálum hefði ekki verið sérlega glæsilegt og þannig sagði einn ferðalangurinn breska blaðinu Guardian að hann hefði þurft að vaka í sólarhring á ferðalagi sínu. Það mun að hluta til hafa verið vegna þess að rútubílstjórinn sem flutti áhorfendur frá vellinum á flugvöllinn hafi villst.