Enginn kjúklingaskítur hjá Arsenal

Arsene Wenger, knattspyrnustjóri Arsenal, hefur haft þann vana á að tefla fram ansi ungu liði í deildabikarnum.

Hann hélt sama hætti gegn Wigan og vann öruggan 3-0 sigur sem vel hefði getað verið stærri.

Wenger sagði eftir leikinn að þetta væri besti hópur ungra leikmanna sem hann hafi unnið með. Steve Bruce, knattspyrnustjóri Wigan, sagði að það væri í rauninni óhugnalegt hve góðir þessir ungu leikmenn séu.

Hér að neðan má sjá lið Arsenal sem spilaði leikinn gegn Wigan.

Lukasz Fabianski - 1985

Pólskur markvörður sem kom til Arsenal í fyrra.

Gavin Hoyte - 1990

Yngri bróðir Justin Hoyte, alinn upp af Arsenal.

Alexandre Song - 1987

Frændi Rigobert Song. Hefur verið hjá Arsenal síðan 2005.

Johan Djorou - 1987

Svissneskur landsliðsmaður sem lék á lánssamningi hjá Birmingham í fyrra.

Kieran Gibbs - 1989

Var í akademíu Wimbledon en fór til Arsenal þegar hún leystist upp.

Jack Wilshere - 1992

Sextán ára Englendingur sem leikur sem sókndjarfur miðjumaður eða á köntunum. Vakti mikla athygli fyrir frammistöðu sína gegn Wigan en hann var yngstur á vellinum.

Mark Randall - 1989

Englendingur sem er alinn upp af Arsenal frá grunni.

Aaron Ramsey - 1990

Gríðarlega efnilegur miðjumaður sem Arsenal fékk frá Cardiff.

Fran Mérida - 1990

Spánverji sem Arsenal rændi úr unglingastarfi Barcelona.

Jay Simpson - 1988

Alinn upp af Arsenal frá grunni. Skoraði tvö mörk gegn Wigan.

Carlos Vela - 1989

Mexíkóskur sóknarmaður sem mjög miklar vonir eru bundnar við.

Varamenn:

Amaury Bischoff - 1987

Henry Lansbury - 1990

Rui Fonte - 1990