Queiroz er inni í myndinni

Carlos Queiroz kemur vel til greina sem eftirmaður Sir Alex Ferguson þegar Skotinn lætur af störfum innan næstu þriggja ára. Þetta staðfesti framkvæmdastjóri Manchester United í samtali við BBC í dag.

Queiroz hefur verið aðstoðarmaður Ferguson síðan árið 2002 og hafa þeir félagar náð prýðilegum árangri saman. David Gill framkvæmdastjóri sér ekkert því til fyrirstöðu að Queiroz verði inn í myndinni þegar Ferguson hættir.

"Við höfum ekki rætt þetta beint út, en Ferguson heldur áfram á meðan hann hefur vilja og heilsu til. Carlos Queiroz er sannarlega inni í myndinni þegar Ferguson hættir enda á hann auðvitað stóran þátt í þeim árangri sem liðið hefur náð að undanförnu," sagði Gill.