Calderon gefst upp - í bili

Ramon Calderon, forseti Real Madrid, hefur viðurkennt ósigur í viðleitni sinni til að fá Cristiano Ronaldo til Real frá Manchester United.

Þetta er reyndar ekki í fyrsta skipti sem Calderon gefur út viðlíka yfirlýsingu og væntanlega ekki í það síðasta ef marka má áhuga spænska félagsins á Portúgalanum magnaða.

"Það er ekki hægt að kaupa leikmenn sem er ekki til sölu. Real Madrid og Manchester United eru vinafélög og við viljum ekki lenda í deilum," sagði forseti spænska félagsins í samtali við Sky í dag.