Drogba ákærður

Didier Drogba hjá Chelsea hefur verið ákærður fyrir að kasta smápeningi í átt að áhorfendum Burnley í leik liðanna í deildabikarnum í vikunni.

Drogba fær frest til mánudags til að gera grein fyrir sínu máli en það verður tekið fyrir á þriðjudag.

Drogba hefur beðist afsökunar á atvikinu, sem einnig er til rannsóknar hjá lögreglu.

Enska knattspyrnusambandið er ekki ánægt með viðbrögð leikmannsins, en hefur einnig sent áhorfendum ströng skilaboð um að ekki verði liðið að hlutum sé kastað inn á knattspyrnuvelli og að þeir sem gerist uppvísir að slíku geti átt von á lífstíðarbanni frá leikjum í deildinni.