Ein breyting á byrjunarliðinu

Sigurður Ragnar Eyjólfsson hefur tilkynnt byrjunarlið íslenska landsliðsins sem mætir því írska í umspili um laust sæti á EM í Finnlandi á næsta ári.

Liðin gerðu 1-1 jafntefli á Írlandi um síðustu helgi og dugir því íslenska liðinu sigur eða markalaust jafntefli til að tryggja sér farseðilinn til Finnlands. Leikurinn hefst klukkan 18.10 á morgun og fer fram á Laugardalsvelli.

Dóra Stefánsdóttir tók út leikbann á Írlandi og kemur aftur inn í liðið í stað Rakelar Hönnudóttur. Ólína G. Viðarsdóttir er einnig í byrjunarliðinu en hún meiddist í leiknum á Írlandi.

Byrjunarliðið:

Markvörður:

María Björg Ágústsdóttir

Varnarmenn:

Ásta Árnadóttir

Katrín Jónsdóttir

Guðrún Sóley Gunnarsdóttir

Ólína G. Viðarsdóttir

Miðvallarleikmenn:

Dóra María Lárusdóttir

Dóra Stefánsdóttir

Sara Björk Gunnarsdóttir

Edda Garðarsdóttir

Hólmfríður Magnúsdótitir

Framherji:

Margrét Lára Viðarsdóttir