John Arne Riise á leið frá Liverpool

Dagblaðið The Liverpool Echo heldur því fram í dag að John Arne Riise verði seldur frá Liverpool nú í sumar en hann á eitt ár eftir af samningi sínum.

Heimildir blaðsins herma að Riise hafi þegar verið tjáð að hann eigi sér enga framtíð hjá félaginu. Sjálfur sagðist hann í samtali við norska fjölmiðla að hann viti ekkert um sína stöðu og hafi falilð umboðsmanni sínum að ræða við félagið.

Riise gekk til liðs við Liverpool frá Mónakó árið 2001 en fékk fremur lítið að spila á nýliðnu tímabili þar sem Fabio Aurelio var oftast í stöðu vinstri bakvarðar í byrjunarliði Liverpool.

Rafael Benitez, stjóri Liverpool, hefur þar að auki verið á eftir öðrum vinstri bakverði, Andrea Dossena, leikmanni Udinese.