Innlent

Samningafundi ljósmæðra lokið

Guðlaug Einarsdóttir formaður Ljósmæðrafélags Íslands
Guðlaug Einarsdóttir formaður Ljósmæðrafélags Íslands

Samningafundi ljósmæðra og samninganefndar ríkisins lauk um klukkan 18 í dag. Engin formleg niðurstaða fékkst á fundinum en samningsaðilar ákváðu að halda áfram samningaviðræðum í fyrramálið.

Aðspurð hvernig viðræður hefði gengið sagði Guðlaug Einarsdóttir formaður Ljósmæðrafélags Íslands:

"Við erum búin að ræða ákveðin mál vel í dag. En svo kemur það í ljós á morgun hvort við getum komist eitthvað áfram með þau mál. Það er það eina sem ég get sagt að svo stöddu."






Tengdar fréttir

Furðar sig á orðum utanríkisráðherra

„Það hefur eitthvað breyst síðan kosningaloforðin voru gefin," segir Guðlaug Einarsdóttir, formaður Ljósmæðrafélags Íslands, um yfirlýsingar Ingibjargar Sólrúnar Gísladóttur utanríkisráðherra um að ekki sé hægt að ganga að kröfum ljósmæðra í einum áfanga.

Óbreytt staða í ljósmæðradeilunni

Sáttafundi í kjaradeilu Ljósmæðrafélags Íslands og samninganefndar ríkisins lauk um klukkan fimm án þess að niðurstaða fengist í deiluna. Bára Hildur Jóhannsdóttir, formaður samninganefndar ljósmæðra, segir að ekkert nýtt hafi komið fram á fundinum og að staðan sé því óbreytt.

Ljósmæður reiðar fjármálaráðherra

Mikil reiði kom fram á félagsfundi ljósmæðra í gærkvöldi, yfir því að Árni Mathiesen fjármálaráðherra skuli hafa stefnt Ljósmæðrafélaginu fyrir ólöglegar uppsagnir í sumar og krefjist þess að þær verði dæmdar ólögmætar.

,,Árni stendur mjög erfiða vakt"

Geir H. Haarde, forsætisráðherra, segir að Árni Mathiesen, fjármálaráðherra, standi mjög erfiða vakt þessa dagana. Árni sé að halda til ákveðnum reglum en hann hefur fyrir hönd ríkisins stefnt félagi ljósmæðra vegna ólöglegra fjöldauppsagna.

Árni stefnir ljósmæðrum

Árni Mathiesen, fjármálaráðherra, hefur fyrir hönd ríkissins stefnt félagi ljósmæðra vegna ólöglegra fjöldauppsagna. Stefnan barst félagi ljósmæðra síðastliðinn föstudag. Þetta kom fram í seinnifréttum Ríkissjónvarpsins.

Árni neitar að tjá sig um ljósmæður

Fjármálaráðherra vill ekki tjá sig um kjaradeilu ljósmæðra, né álit utanríkisráðherra um að deilan geti stigmagnast vegna ákvörðunar hans að stefna ljósmæðrum fyrir ólögmæta uppsögn.

Stefna fjármálaráðherra ekki til þess fallin að leysa kjaradeilu

Steinunn Valdís Óskarsdóttir, þingmaður Samfylkingarinnar og formaður stjórnar Kvennahreyfingar flokksins, segir það óheppilega vendingu og ekki til þess fallið að leysa kjaradeilu ljósmæðra að fjármálaráðherra hafi stefnt Ljósmæðrafélagi Íslands fyrir ólögmætar uppsagnir.

Mest lesið


Fleiri fréttir

Sjá meira


×

Mest lesið