Gullit: Þeir voru harðari í gamla daga

Hollenska knattspyrnugoðsögnin Ruud Gullit segir að nútíma knattspyrnumenn séu ekki eins harðir af sér eins og kynslóðin sem hann spilaði með á sínum tíma.

Gullit varð Evrópumeistari með hollenska landsliðinu árið 1988 og var í gullaldarliði AC Milan sem var ósigrandi á þessum árum. Hann segir að knattspyrnumenn á níunda og tíunda áratugnum hafi verið mun harðari í horn að taka en tíðkist í dag.

"Í gamla daga átti maður oft í höggi við mótherja sem vildu ekki gera neitt annað en meiða þig," sagði Gullit í samtali við 442 tímaritið.

"Stundum varð maður að spila á hörðum völlum og þá komu menn inn á völlinn í gaddaskóm úr frjálsum íþróttum sem þeir áttu til að brýna bara til að meiða andstæðingana. Svona lagað þekkist ekki í dag," sagði Gullit sem lauk ferlinum sem leikmaður Chelsea.

Hann var beðinn að telja upp hörðustu tæklarana sem hann mætti á sínum ferli.

"Það voru margir harðjaxlar í þá daga eins og Miguel og Dennis Wise. Dennis var fyndinn náungi og það var erfitt að spila á móti honum. Daniel Passarella var jarður og átti það til að kýla mann í andlitið í hornspyrnum. Svo man ég eftir því að Vinnie Jones ætlaði einu sinni að sparka í mig en gat það ekki. Hann fékk einu sinni rautt spjald án þess að ná að meiða mig. Ég lét hann vita af því og hann varð mjög reiður," sagði Gullit.