Hermann og félagar í Portsmouth enskir bikarmeistarar

Portsmouth varð í dag enskur bikarmeistari í knattspyrnu eftir 1-0 sigur á Cardiff á Wembley í dag.

Hermann Hreiðarsson var í byrjunarliði Portsmouth sem vann í dag sinn fyrsta stóra titil síðan liðið varð Englandsmeistari annað árið í röð árið 1950. Liðið varð einnig bikarmeistari árið 1939 og hefur því biðin eftir nýjum titli verið löng og ströng.

Það var Kanu sem skoraði eina mark leiksins til þessa á 37. mínútu eftir fyrirgjöf John Utaka.

Hermann Hreiðarsson er í byrjunarliði Portsmouth og fékk að líta gula spjaldið undir lok fyrri hálfleiks fyrir mótmæli.

Cardiff byrjaði betur í leiknum en eftir því sem á lið komust leikmenn Portsmouth æ betur á skrið og uppskáru svo mark.

Síðari hálfleikur var heldur tíðindalítill en Portsmouth átti þó betri færi framan af leiknum. Eftir því sem á leið hertu leikmenn Portsmouth tök sín á leiknum þó svo að Cardiff hafi gert allt sitt til að reyna að jafna metin. Liðið náði þó aldrei að skapa sér alvöru hættu við mark andstæðingsins.

Hermann lék allan leikinn í liði Portsmouth og komst mjög vel frá sínu.