Kinnear býst ekki við lánsmönnum frá Arsenal

Joe Kinnear, stjóri Newcastle, segir það ólíklegt að hann fái þá leikmenn á láni frá Arsenal eins sem hann vonaðist til að fá.

Í síðustu viku sögðu enskir fréttamiðlar frá því að Kinnear hefði áhuga á að fá leikmann að láni frá Arsenal þegar að félagaskiptaglugginn opnar í janúar næstkomandi og sögðu hann aðallega vera að horfa til þeirra Denilson, Johan Djourou og Alexandre Song.

Hann staðfesti þetta í dag en segir afar litlar líkur á að hann fái þá að láni. „Ég tók eftir því að bæði Song og Djourou voru í byrjunarliði Arsenal gegn Dynamo Kiev í gærkvöldi. Það hefur því verið tímasóun að hugsa um að fá þá. Ég get líka vel skilið ef Arsene Wenger vill ekki sleppa Denilson heldur."

Wenger hefur ekki átt sjö dagana sæla á tímabilinu en Kinnear segist ekki skilja gagnrýnina. „Hann hefur unnið frábært starf hjá Arsenal og er sennilegast sá stjóri sem ég lít mest upp til."