Eggert spilaði í sigri Hearts

Eggert Gunnþór Jónsson lék í dag allan leikinn fyrir Hearts sem vann 2-1 útisigur á Hamilton í skosku úrvalsdeildinni í dag.

Eggert lék á miðjunni í dag en hann var í stöðu hægri bakvarðar í síðasta leik. Marius Zaliukas og Andrew Driver komu Hearts í 2-0 en Derek Lyle minnkaði muninn fyrir Hamilton undir lok leiksins.

Hearts er í öðru sæti deildarinnar með níu stig eftir fjóra leiki en Kilmarnock er á toppnum með tíu stig. Celtic og Rangers eiga leik til góða en þau koma á eftir Hearts, bæði með sjö stig.

Úrslit dagsins:

Dundee United - Kilmarnock 0-2

Falkirk - Inverness CT 1-2

Hamilton - Hearts 1-2

Hibernian - Motherwell 0-1

St. Mirren - Aberdeen 0-1