Komst ekki í leikmannahópinn og framdi sjálfsmorð

Grískur knattspyrnumaður framdi í dag sjálfsmorð eftir að hann var ekki valinn í leikmannahóp liðs síns, þrijðudeildarliðsins Diagoras Rhodes.

Liðið mætti í dag stórliði Olympiakos í grísku bikarkeppninni en nú síðdegis uppgötvaðist að hinn 25 ára gamli Yiannis Koskinia hafði stokkið fram af tólf metra háum kletti.

Hann skildi eftir sig orðsendingu. „Það var mikið óréttlæti að ég var ekki valinn í hópinn. Ég get ekki meir."

Koskaniatis hafði spilað 61 leik fyrir Diagoras og skoraði í þeim fjögur mörk. Hann hefur hins vegar ekkert spilað á tímabilinu eftir að hann gekkst undir uppskurð vegna meiðsla á fæti. Grískir fjölmiðlar greindu frá því að félagið hafi þegar reynt að koma honum í sálfræðimeðferð.

Hans var fyrst saknað þegar liðsfélagar hans hittust í hádeginu í dag. Mótorhjól hans fannst svo klukkan 17 að staðartíma og fengu leikmenn fréttirnar þegar stutt hlé var gert á leiknum sem lauk með 3-2 sigri Olympiakos.