Tilnefningar um knattspyrnumann ársins kynntar

Alþjóða knattspyrnusambandið, FIFA, tilkynntu í dag hvaða leikmenn voru tilnefndir sem leikmaður ársins hjá sambandinu.

Sérstök nefnd hjá FIFA sér um að tilnefna leikmennina en þeir eru alls 23 að þessu sinni. Landsliðsþjálfarar og -fyriliðar þjóða í sambandinu eru með atkvæðisrétt. Tilkynnt verður í desember hverjir urðu í þremur efstu sætunum og niðurtaða kjörsins verður kunngjörð þann 12. janúar næstkomandi.

Í fyrra var Brasilíumaðurinn Kaka kjörinn bestur, Lionel Messi varð í öðru sæti og Cristiano Ronaldo í þriðja.

Tíu konur voru einnig tilnefndar sem besti leikmaður ársins hjá FIFA.

Tilnefndir í karlaflokki: Sergio Aguero (Argentínu), Andrei Arshavin (Rússlandi), Michael Ballack (Þýskalandi), Gianluigi Buffon (Ítalíu), Iker Casillas (Spáni), Deco (Portúgal), Didier Drogba (Fílabeinsströndinni), Samuel Eto'o (Kamerún), Cesc Fabregas (Spáni), Steven Gerrard (Englandi), Zlatan Ibrahimovic (Svíþjóð), Andres Iniesta (Spáni), Kaka (Brasilíu), Frank Lampard (Englandi), Lionel Messi (Argentínu), Franck Ribery (Frakklandi), Cristiano Ronaldo (Portúgal), John Terry (Englandi), Fernando Torres (Spáni), Ruud van Nistelrooy (Hollandi), David Villa (Spáni) og Xavi (Spáni).

Tilnefndir í kvennaflokki: Nadine Angerer (Þýskalandi), Shannon Boxx (Bandaríkjunum), Cristiane (Brasilíu), Daniela (Brasilíu), Marta (Brasilíu), Birgit Prinz (Þýskalandi), Christine Sinclair (Kanada), Kelly Smith (Englandi), Hope Solo (Bandaríkjunum) og Ingvild Stensland (Noregi).