Eggert og Theódór ekki með í Íslendingaslagnum

Íslendingaliðin Hearts og Celtic eigast nú við í skosku úrvalsdeildinni í knattspyrnu en leikurinn hófst klukkan 12.30.

Hvorki Eggert Gunnþór Jónsson né Theódór Elmar Bjarnason eru í leikmannahópum sinna liða. Eggert hefur átt fast sæti í byrjunarliði Hearts en hefur átt við smávægileg meiðsli að stríða í vikunni.

Theódór Elmar hefur fá tækifæri fengið með aðalliði Celtic á leiktíðinni.

Celtic er á toppi deildarinnar með 31 stig en Hearts í því sjötta með nítján stig.