Rice svartsýn á árangur

Condoleeza Rice sagðist við upphaf fjögurra daga ferðar um Miðausturlönd efast um árangur af ferðinni. Hún ætlar að reyna að fá Ísraela og Palestínumenn til að fallast á umræðugrundvöll fyrir friðarráðstefnu sem halda á í Bandaríkjunum í næsta mánuði.

Rice kom til Ísraels í morgun frá Moskvu, þar sem henni mistókst að fá Rússa til að sætta sig við uppsetningu eldflaugavarnakerfis í Evrópu. Á næstu dögum ræðir hún við Olmert forsætisráðherra Ísraels og Abbas forseta Palestínu.

Meðal helstu ágreiningsefna eru framtíð Jerúsalemborgar og heimkoma milljóna palestínskra flóttamanna.