Hamfaraflóð á ferðamannastöðum á Spáni

Að minnsta kosti tveir hafa látið lífið í óveðri á helstu ferðamannastöðum Spánar. Rigningavatn hefur flætt um götur bæja og fresta hefur orðið flug- og ferjusamgöngum.

Það var ófögur sjón sem mætti mönnum í bænum Beniarbeig í Alicante í morgun. Bílar fljóta eins og hráviði um vatnsósa göturnar og fólk hefur þurft að leita skjóls uppi á húsþökum. Þyrlubjörgunarmenn þurfti til að koma fólki burt.

Eldri kona lét lífið í bænum El Vergel í Valensíu og maður á seglbretti lést þegar vindsveipur kastaði honum á vegg hótels sem er í fimmtíu metra fjarlægð frá ströndinni. F

lestir Íslendingar sem þarna búa eru sunnan við Alicante en óveðrið var mest fyrir norðan. Hins vegar er ekki líklegt að margir hafi farið á ströndina í dag. Mórauð vatnskennd leðjan lak niður götur bæjanna og litaði bæði baðstrendurnar og sjóinn.

Íbúar bæjarins Denia neyddust til að flýja eftir að áin Girona flæddi yfir bakka sína.