Verkfallinu hjá GM lokið

Verkfallinu hjá GM lauk í dag eftir aðeins tvo sólarhring og um leið stigu hlutabréf í fyrirtækinu um tæp 9% á markaðinum vestan hafs. Verkfallið var hið fyrsta hjá GM á síðustu rúmu 30 árum en það náði til um 73.000 verkamanna fyrirtækisins.

Verkalýðsfélagið United Auto Workers og GM náðu samkomulagi í dag en höfuðatriði þess er stofnun sérstaks sjóðs sem sjá mun um sjúkratryggingar hjá 330.000 verkamönnum sem komnir eru á eftirlaun, núverandi verkamönnum fyrirtækisins og mökum þeirra.

Ron Gettelfinger formaður UAW er ánægður með málalyktir og segir að hann sé einnig viss um að eftirlaunaþegarnir séu það einnig.