Öflugt umferðareftirlit í lofti og á landi um helgina

Lögregla á höfuðborgarsvæðinu verður í samstarfi við Landhelgisgæslu og Umferðarstofu með umferðareftirlit úr lofti við helstu umferðaræðar í og við höfuðborgina, austur í Árnessýslu og til Borgarfjarðar.

Þá mun lögregla og halda úti öflugu hefðbundnu umferðareftirliti á þessum sömu svæðum. Um er að ræða eina mestu ferðahelgi ársins og verður sérstök áhersla lögð á eftirlit með ógætilegum akstri eins og svig- og hraðakstri sem og akstri utan vega. Ekki er gert ráð fyrir að lögregla þurfi að hafa afskipti af ökumönnum vegna þessa. Eftirlitið mun standa yfir frá föstudegi til sunnudags.