Framleiðsla hafin hjá Fjarðaáli á Reyðafirði

Framleiðsla er hafin í Fjarðaáli, stærsta álveri á Íslandi. Fyrst um sinn verða aðeins fjörtíu ker keyrð í verksmiðjunni en búist er við að hún hafi náð fullum afköstum fyrir lok ársins.

Menn starta ekki risastóru álveri á einum degi. Það mun taka mánuði að keyra álver Alcoa á Reyðarfirði upp í fulla framleiðslu, eða 346 þúsund tonn. Nú þegar hafa 270 manns verðir ráðnir til álversins en þeir verða alls um 400 hundruð.

Tómas Már Sigurðsson forstjóri Fjarðaáls segir að nú sé fyrirtækið í ströngu ferli við að gangsetja verksmiðjuna.

Álverið er allt hið nútímalegasta, en á Reyðarfirði liggja kerin þversum í verksmiðjunni en ekki langsum eins og í Straumsvík og því komast fleiri ker á lengdarmetra í skálana.

Skálarnir tveir eru hver um sig um kílómetri að lengd, samanlagt með 336 ker. En til að byrja með verður aðeins brætt í 40 kerjum.

Tómas reiknar með að framleiðslan verði komin á fullt undir lok árs. Hann segir að uppstartið hafa gengið eftir áætlun. Um sé að ræða stóran, flókinn og sérsmíðaðan búnað, sem taki einhvern tíma að stilla. Alcoa þurfti að breyta áætlunum sínum vegna tafa á afhendingu raforku frá Kárahnjúkum en nú fær álverið orku frá landsnetinu.

Forráðamenn hafa vitað um nokkurt skeið að tafir yrðu á afhendingu orku frá Kárahnjúkum, vegna tafa við gerð jarðganga við virkjunina og aðlagað áætlir Fjarðaáls við það. Samstarfið við landsnet og Landsvirkjun hafi verið gott.

Í raun er verið að hefja starfsemi í þremur verksmiðjum hjá Alcoa, kerskálana, steypuskálanum og í skautsmiðjunni. Við segjum nánar frá álverinu á Reyðafirði í fréttum okkar næstu daga.